ПРЕЧИСТУВАЧИ НА ОТПАДНИ ВОДИ

Пречистувачите на отпадни води со систем на активен мулч се високоефикасни системи кои користат микроорганизми за обработка и пречистување на отпадни води од домаќинства, индустриски постројки или комунални системи. Основниот принцип на работа на овие системи се заснова на биолошка разградба на органски загадувачи со помош на бактерии кои живеат во суспензија во водата, познати како активен мулч.

Нашата фирма Чабар Пласт заедно со нејзиниот партнер од Хрватска развила единствени мали композитни системи за третман на отпадни води – пречистувач на отпадни води од 4-50 ЕС (еквивалент на становници).

Контактирајте не

Покрај малите компактни системи, нашата фирма исто така може да понуди и поголеми системи за пречистување на отпадни води за поголем број на становници за хотели, населби, станбени згради, од 50ЕС до 2000ЕС.

Пречистувачите на отпадни води имаат за цел што покомплетно да ги отстранат материите, односно загадувачите од отпадната вода, применувајќи еден или повеќе процеси на обработка.

Низ историјата, тежнењето на човекот било подобрување на човекот и начинот на живот што постепено довело до негативни влијанија врз околината и своето животно опкружување. Секој вид на загадување што се емитува завршува до подземните води, реките, езерата и морињата и претставува глобален проблем.

Загадувањето на водата се слева во површинските и подземните водени текови. За да се изврши филтрација на водата од најголемо значење е достапноста на кислород. Реките вршат природно пречистување на водата поради делувањето на камењата и карпите кои се наоѓаат во коритото. На овој начин се добива кислород потребен за нејзината филтрација. Овој пример на природна соработка во процесот на пречистување дава кристално чиста вода.

Биолошките септички јами, познати како пречистувачи на отпадни води, претставуваат напредна и еколошки прифатлива алтернатива на традиционалните септички јами.

Нивните предности се многубројни и се одраз на современите технолошки решенија за одржливо управување со отпадните води:

Висококвалитетно пречистување – На излезот од системот се добива изузетно чиста вода која ги задоволува еколошките стандарди и може безбедно да се користи за дренажа, наводнување или директно испуштање во природни водотоци.
Долготрајно отстранување на мулчот – Благодарение на ефикасната биодеградација, отстранувањето на наталожениот мулч е потребно да се изврши ретко, обично еднаш во период од 1 до 3 години, со што се постигнува значајна економска заштеда во споредба со традиционалните системи кои бараат почесто празнење.
Без непријатни мириси – Напредните биолошки процеси осигуруваат дека во зоната на работа на системот не доаѓа до емисија на смрдечи мириси, што придонесува за подобар квалитет на животната средина и поголема прифатливост на системот од страна на локалното население.
Мали димензии – Зафаќаат помалку простор од класичните септички јами, што ги прави идеални за вградување во станбени и деловни објекти со ограничен расположлив простор.

Ниски инвестициски и оперативни трошоци – Почетното вложување и трошоците за одржување се минимални, правејќи ги овие системи економичен избор на долг рок.
Потполно автоматизиран работ – Пречистувачите се дизајнирани да работат независно, со минимален човечки надзор, што значително ја олеснува оперативната ефикасност и намалува потребата за редовни технички интервенции.
Максимална безбедност при работа – Безбедноста за време на експлоатацијата е на високо ниво благодарение на користењето на безбедни материјали и технологии, како и усогласеноста со најстрогите стандарди и регулативи за заштита на животната средина и здравјето на луѓето.

Овие предности ги прават биолошките септички јами одличен избор за оние кои бараат еколошки одржливи и економски ефикасни решенија за обработка и пречистување на отпадни води.

ПРЕЧИСТУВАЧИ НА ОТПАДНИ ВОДИ – ОПИС НА РАБОТЕЊЕТО НА СИСТЕМОТ

Постројката работи на принципот на активен мулч. Загадувачите се отстрануваат од отпадните води поради биодеградацијата на органската материја која ја изведуваат микроорганизмите и кои ја претвораат органската материја во биомаса. Активноста на микроорганизмите се одржува со додавање кислород преку компресор за време на аерацијата (фаза на работа на уредот). Остатокот од мулчето што се добива за време на процесот на пречистување се складира во резервоарот или во посебна комора – резервоар за мулч.

Главни карактеристики на Чабар Пласт постројката (еколошките септички јами) за пречистување:

Користење на еден резервоар за процесот на пречистување.
Еднодневен циклус на SBR работа.
Пречистувачите на отпадни води покриваат просечна дневна активност на семејството или деловната организација. Фазата на седиментација, односно мирувањето, се врши во подоцнежните вечерни часови кога се очекува намален приток на отпадни води (ноќе), односно кога е најмал притокот на отпадни води.

Биолошки септички јами

Биолошките септички јами се систем за обработка на отпадни води кој користи природни процеси за разградба и обработка на отпадни материи од домаќинства. Тие се подобрена верзија на традиционалните септички јами бидејќи вклучуваат дополнителни компоненти кои овозможуваат подобра и поефикасна обработка на отпадните води.

Клучна карактеристика на биолошките септички јами е нивната способност да користат микроорганизми, како бактерии и ензими, за разградба на органскиот отпад. Овој процес се одвива во затворен систем, обично составен од неколку комори, каде што отпадните води постепено се чистат низ различни фази на обработка.

Фази на работа на SBR системот за пречистување на отпадни води – пречистувачи на отпадни води

Влевање на отпадната вода во биолошката септичка јама – отпадната вода се влева и слободно влегува во резервоарот преку цевка за рамномерен проток. Големината на влезната цевка е во согласност со постоечките цевки кои се инсталирани на објектот (дом, хотел…)
Аерација – за време на процесот на аерација, интензивно се доведува кислород преку контролната табла. Доведувањето кислород – аерацијата се изведува наизменично со фазата на мировање, за да се поддржи биолошкиот процес, времетраењето на фазата на аерација е 5 минути. Турбуленцијата предизвикана од подигањето на меурчињата кислород меша содржината во резервоарот и ги раствара органските материи. Загадувачите се отстрануваат од отпадните води поради аеробната биодеградација на органската материја при што пловечките микроорганизми ја трошат и ја претвораат во биомаса.
Седиментација – се изведува во доцните вечерни часови кога се очекува намален приток на отпадни води (ноќе) односно кога притокот на отпадни води е најмал.

Испуштање на третираната вода – по 75 минути од завршувањето на фазата на седиментација, третираната вода се испумпува од резервоарот, низ системот.
Одлагање на мулчето – третирање на мулчето – доколку постои посебна комора или резервоар, седиментираниот остаток од мулчето се испумпува од нив. Складиштето за мулч може да се наоѓа во самиот резервоар или надвор од резервоарот. По полнењето на резервоарот за мулч, мешавината од вода и мулч се поставува на површината на претходно згуснатото мулч. Вишокот вода се рециклира низ канализацијата во процесот за третман на отпадните води. Преостанатото мулч се стврднува (згрутчува). Алтернативно, доколку во самиот резервоар не постои складиште за мулч, тогаш се препорачува отстранување на дел од содржината од резервоарот – кога запремината на мулчето (SV) е поголема од SV30 поголема од 700mg/l (при вадење на примерок од резервоарот по 30 минути доколку запремината на мулчето е поголема од 700mg по литар потребно е да се изврши отстранување на мулчето).